Almaniyada Studienkolleg

Studienkolleglərin ölkənizdəki akademik mədəniyyət üzərindən Alman akademik mədəniyyətinə çatmaqda kömək edən “körpü” kimi funksiyası vardır. Bununla da xarici tələbələr üçün hazırlıq kursları təklif olunur.

Studienkolleglər birbaşa buraxılış imtahanına (Feststellungsprüfung- FSP) hazırlayırlar ki, uğurla Studienkollegi bitirən məzunlar Almaniyadakı ali məktəblərə qəbul ola bilsinlər.

Həmçinin Studienkollegə getmədən də, FSP vermək mümkündür. Müxtəlif Studienkolleglər xarici namizədlər üçün imtahan təkilf edir. Burada Studienkolleglər ancaq imtahanlara deyil, həmçinin ümumilikdə Almaniyada uğurlu təhsilə hazırlayırlar.

𝐔𝐧𝐢𝐯𝐞𝐫𝐬𝐢𝐭𝐞𝐭𝐥ə𝐫𝐝ə𝐤𝐢 𝐒𝐭𝐮𝐝𝐢𝐞𝐧𝐤𝐨𝐥𝐥𝐞𝐠𝐥ə𝐫 𝐚𝐬̧𝐚𝐠̆ı𝐝𝐚𝐤ı 𝐦𝐮̈𝐱𝐭ə𝐥𝐢𝐟 𝐤𝐮𝐫𝐬 𝐧𝐨̈𝐯𝐥ə𝐫𝐢𝐧𝐢 𝐭ə𝐤𝐥𝐢𝐟 𝐞𝐝𝐢𝐫:

M- Kurs – tibb, biologiya və əczaçılıq ixtisasları üzrə

T-Kurs – riyazi, elmi və texniki ixtisaslar üzrə

W-Kurs – iqtisadiyyat və sosial elmlər ixtisasları üzrə

G-Kurs – humanitar elmlər və ya alman dili ixtisaları üzrə

S -Kurs – dilşunaslıq ixtisasları üzrə

𝐓ə𝐭𝐛𝐢𝐪𝐢 𝐲𝐨̈𝐧𝐮̈𝐦𝐥𝐮̈ 𝐚𝐥𝐢 𝐦ə𝐤𝐭ə𝐛𝐥ə𝐫𝐝ə𝐤𝐢 (𝐅𝐚𝐜𝐡𝐡𝐨𝐜𝐡𝐬𝐜𝐡𝐮𝐥𝐞𝐧) 𝐒𝐭𝐮𝐝𝐢𝐞𝐧𝐤𝐨𝐥𝐥𝐞𝐠𝐥ə𝐫 𝐚𝐬̧𝐚𝐠̆ı𝐝𝐚𝐤ı 𝐦𝐮̈𝐱𝐭ə𝐥𝐢𝐟 𝐤𝐮𝐫𝐬 𝐧𝐨̈𝐯𝐥ə𝐫𝐢𝐧𝐢 𝐭ə𝐤𝐥𝐢𝐟 𝐞𝐝𝐢𝐫:

TI-Kurs – texniki və mühəndislik ixtisasları üzrə

WW-Kurs – iqtisadiyyat ixtisasları üzrə

GD-Kurs – dizayn və incəsənət ixtisasları üzrə

SW-Kurs – sosial və ictimai elm ixtisasları üzrə

Studienkolleglər iki semestr olmaqla adətən bir il davam edir. Yüksək nailiyyət əldə etməklə kurs müddətini bir semestr olaraq da qısaltmaq mümkündür. İki semestr ərzində əldə olunan nailiyyətlər qənaətbəxş olmadığı halda, qaydaya əsasən həmin semestr təkrarlanır. Adətən Studienkolleglər müraciətdən bir il sonra FSP ilə yekunlaşır.

Studienkollege müraciətlərin sayı boş yerlərin sayını artırır. Bunun üçün də siz Studienkollegdə müraciət etməli, adətən alman dili testi və eləcə də riyaziyyat testi verməlisiniz.

Studienkolleglərin müxtəlif qəbul prosedurları və müraciət tarixləri vardır. Bunun üçün ya birbaşa olaraq Studienkolleglərə, ya da seçiminizə uyğun Studienkolleglərin rəsmi səhifələrinə keçid etməyiniz vacibdir.

Studienkolleglərə müraciət üçün siz ən azından B1 alman dil sertifikatına sahib olmalısınız. Zəhmət olmasa tələb olunan dil biliyi ilə əlaqədar seçdiyiniz Studienkolleglərin tələblərinə diqqət yetirin.

𝐒𝐭𝐮𝐝𝐢𝐞𝐧𝐤𝐨𝐥𝐥𝐞𝐠 𝐮̈𝐜̧𝐮̈𝐧 𝐨̈𝐝ə𝐧𝐢𝐬̧ 𝐧ə 𝐪ə𝐝ə𝐫𝐝𝐢𝐫?

Qaydaya əsasən dövlət tərəfindən təşkil olunan Studienkolleglər ödənişsizdir, lakin semestr üzrə Studienkollegdən asılı olaraq 100-400 Avro məbləğində semestr ödənişi (Semestrbeitrag) ödənilə bilər. Bundan əlavə siz sığortalanmış olmalı və tədris materialları xərclərinizi özünüz qarşılamalısınız.

Özəl Studienkolleglərin ödənişləri olduqca müxtəlifdir. Əksər hallarda ödənişə qeydiyyat, iştirak, eləcə də FSP daxildir ki, bu da ümumilikdə təqribən 4000 Avro təşkil edir.

Almaniyada yaşam xərcləri üçün orta hesabla təqribən 800 Avro hesablanmışdır. Qaydaya əsasən siz Studienkollegdə oxuduğunuz müddətdə işləyə bilmərsiniz, ən yaxşı halda tətillərdə bir az pul qazana bilərsiniz ki, bu da yaşamaq üçün kifayət etmir. Studienkollegdə oxuyanlar adətən təqaüd almırlar. Almaniyada yaşayışınız üçün siz maddi sığortalanmış olmalısınız.

𝐌𝐮̈𝐫𝐚𝐜𝐢ə𝐭 𝐧𝐞𝐜ə 𝐚𝐩𝐚𝐫ı𝐥ı𝐫?

𝟏.𝟏 𝐒𝐭𝐮𝐝𝐢𝐞𝐧𝐤𝐨𝐥𝐥𝐞𝐠 𝐮̈𝐜̧𝐮̈𝐧 𝐦𝐮̈𝐫𝐚𝐜𝐢ə𝐭

Studienkolleglərin müxtəlif qəbul şərtləri və müraciət tarixləri vardır. Bunun üçün də ya birbaşa olaraq Studienkolleglərə, ya da seçiminizə uyğun Studienkolleglərin rəsmi veb səhifələrinə müraciət etməyiniz vacibdir. Bəzi Studienkolleglərə abituriyentlər birbaşa, digərlərinə isə Uni-Assist vasitəsilə müraciət edə bilərlər.

Diqqət etmək lazımdır ki, Studienkollegə müraciət ümumiyyətlə mümkündürmü. Bu da mümkündür ki, ilk öncə universitetə müraciət edirsiniz və universitet sizə Studienkolleg təklif edir. Ümumilikdə FSP imtahanı ilə bütün universitetlərə müraciət etmək olar. Universitet tərəfindən təklif olunan bəzi Studienkolleglərdə isə bu mümkün deyildir. Bununlada siz yalnız FSP imtahanı verdiyiniz əyalətdə yerləşən universitetlərə müraciət edə bilərsiniz.

𝟏.𝟐 𝐓ə𝐡𝐬𝐢𝐥 𝐲𝐞𝐫𝐢 𝐮̈𝐜̧𝐮̈𝐧 𝐦𝐮̈𝐫𝐚𝐜𝐢ə𝐭

Müraciətlər Uni-assist vasitəsilə aparılır. Xarici tələbələr sənədlərini ora göndərir və göstərilən xidmət üçün ödəniş tələb olunur. Bununla da Uni-assist sənədlərinizi universitet üçün hazırlayır.